Eit tips er å bruke ein kasserolle som er tjukk i botn.

1. Først skal den søte mjølka koke opp. Mylsa blir ofte best når ein nyttar fersk og ubehandla mjølk som ein hentar direkte frå bonden. Kasserollen med mjølka skal trekke/småkoke i 10-12 timar. No skal fargen vere gyllenbrun.
2. Så vispar ein egg og sukker godt saman. Deretter tilset ein kulturmjølka og blandar alle tre ingrediensane. Rett før ein tilset denne blandinga til mjølka i kasserollen, skrur ein opp temperaturen noko. Ein tilset så blandinga, som vert kalla «breste» litt etter litt. Eit godt tips er å tømme blandinga frå ein plastbolle med helletut i ein tynn stråle medan ein rører roleg med ei tresleiv i botn av kasserollen.
3. Når ein ser at det byrjar å koke i kasserollen, skrur ein ned temperaturen. No skal mylsa trekke i ca 1 – 1,5 time utan at ein rører. Konsistensen på den ferdige mylsa skal vere gyllenbrun med mjuk ostemasse stykkevis flytande i myse (gyllenbrun væske).

Mylse kan serverast både kald og varm – alt etter kva ein likar.